Yangiliklar

03.12.2025

Gaz taqsimlash stansiya operatorlari bilimlar sinovidan o‘tmoqda

Gaz transporti tizimida GTS operatorining vazifasi yuqori darajada mas’uliyat talab qiladi. Shu bois belgilangan tartibga muvofiq operatorlarni muntazam o‘qitish va ularning bilim darajasini baholab borish jarayoni yo‘lga qo‘yilgan.

Hozirda “O‘ztransgaz” AJning tegishli buyrug‘i asosida tizimdagi GTS operatorlarini qayta tayyorlash, malakasini oshirish hamda bilimlar sinovidan o‘tkazish ishlari davom etmoqda.

Xususan, Zaung‘ur va Urganch magistral gaz quvurlari boshqarmalarida faoliyat yuritayotgan 50 nafardan ortiq operator zamonaviy o‘quv dasturi asosida o‘qitildi va ularning bilimlari sinovdan o‘tkazildi. Kogon MGQBda ham ushbu jarayon muvaffaqiyatli yakunlandi.

Yil yakuniga qadar tizimdagi barcha boshqarmalarda faoliyat ko‘rsatayotgan operatorlarni mazkur o‘quv va sinov jarayoniga to‘liq qamrab olish rejalashtirilgan.