“O‘ztransgaz” Ajda korrupsiyaga qarshi kurashish siyosati yuzasidan amaliy seminar o‘tkazildi.

“O‘ztransgaz” AJ boshqaruvi raisi tashabbusi bilan joril yil 29-aprel kuni Komplaens-nazorat bo‘limi bo‘shlig‘i O‘.Ismatov hamda yetakchi mutaxassis M.Matkarimovlar boshchiligida Samarqand magistral gaz quvurlari boshqarmasi rahbar va muhandis-texnik xodimlariga korrupsiyaga qarshi kurashish siyosati yuzasidan amaliy seminar o‘tkazildi.



Seminarda korrupsiyaga qarshi kurashishning ustuvor yo‘nalishlari, ichki nazorat mexanizmlarini kuchaytirish, manfaatlar to‘qnashuvining oldini olish, moliyaviy intizomni mustahkamlash hamda ish jarayonlarida ochiqlik va xodimlar mas’uliyatini oshirish masalalari muhokama qilindi. Shuningdek, davlat rahbari tomonidan ushbu sohaga alohida e’tibor qaratilayotgani ta’kidlandi.

Boshqarmada korrupsiyaning oldini olish, shaffoflikni ta’minlash va korrupsiyaviy xavf-xatarlarni samarali boshqarishga qaratilgan tizimli ishlar izchil davom ettirilayotgani qayd etildi.



Bundan tashqari, seminar ishtirokchilariga “O‘ztransgaz” AJ boshqaruvi raisi topshirig‘iga asosan jamiyatda korrupsiyaga oid murojaatlarni qabul qilish uchun 1852 qisqa raqamli ishonch telefoni faoliyati yo‘lga qo‘yilgani va ushbu raqam orqali xodimlar murojaat qilishlari mumkinligi haqida ham ma’lumot berildi.