Ogoh bo‘ling, magistral gaz quvurlari!

Magistral gaz quvurlari bo‘ylab tabiiy gaz yuqori bosimda harakatlanadi. Quvurlarning diametridan kelib chiqqan holda uning o‘qidan har ikki tomonga muhofaza maydonlari belgilangan. Bu maydonlardagi qurilmalar esa potensial xavf mavjud bo‘lgan hududlarda joylashgan. 

Zirabuloq magistral gaz quvurlari boshqarmasi xizmat ko‘rsatadigan quvurlar atrofida ham 302 ta qurilma muhofaza maydonlarida turibdi. Ularning egalariga bu haqida muntazam ravishda ogohlantiruvchi xatlar tarqatiladi. Boshqarma tomonidan "Do‘stlik bayrog‘i" gazetasida e'lon qilingan maqola ham qurilma egalarini sergaklikka chorlaydi.