“O‘ztransgaz” AJda korrupsiyaga qarshi kurash bo‘yicha amaliy seminar o‘tkazildi

Seminarda 2025-yil 26-dekabr kuni Prezidentimiz Murojaatnomasida belgilangan ustuvor vazifalar — korrupsiyaga qarshi kurashni yangi bosqichga ko‘tarish, shaffoflikni ta’minlash, xavf-xatarlarni boshqarish va komplaens tizimini takomillashtirish masalalari muhokama qilindi.

Tadbirda, shuningdek, 2025-yil 30-dekabrda qabul qilingan PF–270-son Farmon tushuntirilib, 2026-yil “favqulodda holat” rejimida korrupsiyaga qarshi kurash yili sifatida belgilangani ta’kidlandi.

Seminar davomida 2025-yilda bajarilgan ishlar va 2026-yilga mo‘ljallangan vazifalar bo‘yicha hisobotlar tinglandi.

Bundan tashqari, PQ–81-son qaror asosida “E-Anticor.uz” platformasi orqali reyting baholash jarayonlari yuzasidan amaliy ko‘nikmalar berildi.

Tadbir yakunida korrupsion xavf-xatarlar aniqlanib, ularni bartaraf etish bo‘yicha aniq choralar belgilandi.