"Ғиждувон" ва "Қизилтепа-1" ГТСларида таъмирлаш ишлари якунига етказилмоқда
Uztransgaz
15.07.2021
Хабар берилганидек, жорий йилда "Ўзтрансгаз" акциядорлик жамияти тизимидаги газ тақсимлаш станцияларининг 123 тасини реконструкция қилиш кўзда тутилган бўлиб, шу кунларда ушбу жараён қизғин давом эттирилмоқда.
Когон Магистрал газ қувурлари бошқармаси томонидан хизмат кўрсатиладиган 10 та ГТСни модернизациялаш режалаштирилган.
"Ғиждувон" ва "Қизилтепа-1" ГТС ҳам шулар жумласидан. Айни кунларда ушбу станцияларда таъмирлаш ишлари якунига етказилмоқда.
"Ғиждувон" ГТСнинг ҳозирги қуввати соатига 50 минг куб метрни ташкил этаётган бўлса, модернизация натижасида бу кўрсаткич 60 минг куб метрга етказилади, "Қизилтепа-1" нинг ўтказувчанлик қуввати 1,5 баробарга оширилади.
Станцияларда шунингдек операторлар учун замонавий шарт-шароитлар яратилган, назорат жараёнига янги технологиялар ўрнатилган.