“Ўзтрансгаз” АЖ тизимида мурожаатлар билан ишлаш йўналишидаги ишлар салмоғи сезиларли даражада ортди.

Ҳар бир ташкилот идорасида мурожаатлар билан ишловчи масъул ходимларнинг мурожаатларни ўрганиши ва раҳбарият орқали уни ҳал қилиши учун шароитлар яратилган.

Марказий бошқарув аппарати раҳбарияти ва раиснинг ишончли вакили томонидан йил давомида жойларга чиқиб ўтказиладиган сайёр қабулларда эса маълум давр оралиғида келиб тушган мурожаатлар ечими маҳаллий раҳбарият билан биргаликда кўриб чиқилади ва ягона тўхтамга келинади.

Декабрь ойида Тошкент, Қашқадарё, Хоразм вилоятлари ва Қорақалпоғистон Республикасида Сайёр қабуллар ўтказилиб, фуқаролар ва ишчи ходимларнинг мурожаатлари тингланди.

Уларнинг бир қисми жойида ҳал этилган бўлса, айримлари ижрога йўналтирилди, қолганларига ҳуқуқий маслаҳатлар берилди.