Янги тармоқ ишга туширилиши билан магистрал газ қувурларининг эксплуатация қилиш жараёнида табиий газни ўтказувчанлик ҳажми ошади, шунингдек, хавфсизлик даражаси ҳам юқори бўлади. Ушбу тармоқни қурилиш-монтаж ишларини бажариш жараёнида касб йўналишлари турлича бўлган 60 нафардан ортиқ мутахассислар, ишчи-хизматчилар ҳамда 30 тадан ортиқ махсус техникалар иштирок этди. Объектда “Урганчтрансгаз” унитар корхонасига қарашли Урганч қурилиш-монтаж бошқармаси бош пудратчи бўлсада, объектни қисқа муддатларда ишга тушириш мақсадида, қурилиш-монтаж ишларига тизимдаги барча Магистрал газ қувурлари бошқармаларининг малакали мутахассис ва электрпайвандчилари жалб қилинди.
“Ўзтрансгаз” АЖ Матбуот хизмати