Ҳар бир мурожаат эътиборда

“Ўзтрансгаз” АЖ Бошқарув раисининг биринчи ўринбосари Ж.Шамсиев томонидан 2021 йилнинг 29 апрель куни “Урганчтрансгаз” УК ҳамда унга қарашли “Газэнергиктаъмир” ишлаб чиқариш техник корхонасида жисмоний ва юридик шахсларнинг мурожаатлари юзасидан навбатдаги сайёр қабул ўтказилди. Унда 8 нафар мурожаатчининг мурожаати тингланди.

Мурожаатларнинг аксарият қисми бўйича мазкур корхоналар раҳбарларига мутахассисларни жалб қилган ҳолда ўрганиш олиб бориш, натижаси бўйича мурожаат муаллифларига қонунда белгиланган муддатда жавоб бериш топширилди. Қолган мурожаатчиларнинг ечими юзасидан тегишли тартибда тушунтириш берилди.