Atrof "Yashil makon"ga aylansin!

Mamlakatimizda ekologik vaziyatni yaxshilash, ona-tabiatni boridek asrash masalasiga  har qachongidan ham muhim vazifa sifatida qaralmoqda.  "O‘ztransgaz" AJ boshqaruv apparati va uning tizim korxonalari ham  "Yashil makon" umummilliy loyihasi doirasida  manzarali va mevali daraxt ekish tadbirlarida ishtirok etib, tabiatga go‘zallik baxshida etishga kirishdilar.

"O‘ztransgaz" AJ boshqaruv apparati xodimlari Yashnaobod tumanidagi  "Navro‘zobod" MFY hududida 100 tupga yaqin manzarali daraxt ko‘chatlarini o‘tqazishdi. "Ekilgan har bir daraxt o‘sib-unsin, atrof yashillika burkansin", deya ezgu niyat qilindi.