"Gazprombank" AJ va "O’ztransgaz" AJ o’rtasida O'zbekiston Respublikasi gaz transport tizimini modernizatsiya qilish uchun sindikatlangan kredit shartnomasi hamda "EXAR" AJ tomonidan sug'urtalash to'g'risidagi kelishuvi imzolandi

"Uztransgaz" AJ hamda Gazprombank AJ, Gazprombank Ltd., Bank GPB International S.A. o'rtasida O'zbekiston Respublikasi gaz uzatish tizimini modernizatsiya qilish loyihasini amalga oshirish maqsadida kredit shartnomasi, EXAR AJ bilan kredit sug'urtasi shartnomasi tuzildi.

    EXAR AJning qo’llab-quvvatlovi ostida Gazprombank tomonidan 300 million AQSH dollari miqdorida sindikatli bridj-krediti “O'zbekiston Respublikasida 2021-2022 yillarda magistral gaz uzatish tizimini modernizatsiya qilish va samaradorligini oshirish dasturi”ni moliyalashtirishning boshlanishi hisoblanadi hamda bu mabkag'lar 545 km uzunlikdagi gaz quvurlarini qurish, rekonstruksiya qilish va kapital ta'mirlash, shuningdek kompressor stantsiyalari inshootlarini kapital ta'mirlashga yo’naltiriladi. 

    "O'zbekiston Respublikasi va Rossiya Federatsiyasi o'rtasidagi ko'p tomonlama strategik sheriklik doirasida, Rossiyaning moliyaviy institutlari ko'magida, “O'zbekiston Respublikasining 2021-2022 yillarda magistral gaz uzatish tizimini modernizatsiya qilish va samaradorligini oshirish dasturi” amalga oshirilmoqda. Bu loyiha O'zbekiston Respublikasining gaz tashish tizimini yanada yaxshilashga qaratilgan muhim strategik loyihadir. Biz loyihani moliyalashtirish uchun "Gazprombank" va "EXAR" bilan kelishuvga erishganimizdan mamnunmiz. Bu bizga loyihani o'z vaqtida boshlash imkoniyatini berdi. Bu esa kuz-qish mavsumi oldidan aholi va iqtisodiyot tarmoqlarini tabiiy gaz bilan barqaror ta'minlashda muhim ahamiyat kasb etadi” , - deydi “O'ztransgaz”AJ boshqaruvi raisi Bexzot Narmatov. 

    “Gazprombank ko'p yillar davomida O’zbekistondagi loyihalarni qo'llab -quvvatlab kelmoqda va EXAR AJ bilan tuzilgan bu shartnoma ham o'zaro manfaatli hamkorlikka asos bo'ladi, xususan, bu - O'zbekiston gaz transport tizimini modernizatsiya qilishga bo’lgan ehtiyojni qondirish va tabiiy gaz yetkazib berish hajmini oshirishga yordam beradi. Mahalliy mahsulotning tashqi bozorga chiqishi, xalqaro moliyaviy xizmatlar bozorining rivojlanishiga hissa qo'shadi va umuman, O'zbekiston va Rossiya o'rtasidagi strategik sheriklikning muhim bosqichiga aylanadi ", - deya izoh berdi" Gazprombank " boshqaruvi raisi o'rinbosari Aleksey Matveyev.

    «EXAR allaqachon O'zbekistondagi yirik infratuzilma loyihalarini qo'llab -quvvatlash bo'yicha ijobiy tajribaga ega. EXAR sug'urta qoplamasi bunday yirik loyihalarni moliyalashtirish tuzilmasini optimallashtirishga imkon beradi. Biz Rossiya iqtisodiyotining yuqori texnologiyali mahsulotlarini eksport qiluvchilarni qo'llab-quvvatlash doirasida O'zbekiston iqtisodiyotining turli sohalaridagi loyihalar ustida yanada faol ishlashidan manfaatdormiz ”,- dedi EXAR AJ bosh direktori Nikita Gusakov.