Magistral gaz quvurlari muhofaza hududlari haqida tushuntirish berildi

O‘zbekiston Respublikasida “Qurilish me’yorlari va qoidalari” (QMQ 2. 05. 06-97) me’yoriy hujjati asosida magistral gaz tarmoqlari atrofida quvurlar diametriga mos holda “muhofaza hududlari” belgilangan. 
Unga ko‘ra, diametri: 

1200 mm dan 1400 mm gacha bo‘lgan magistral gaz quvurlarining muhofaza hududi quvur o‘qidan har ikki tarafga – 350 metr; 

1000 mm dan 1200 mm gacha bo‘lgan magistral gaz quvurlarining muhofaza hududi quvur o‘qidan har ikki tarafga – 300 metr; 

800 mm dan 1000 mm gacha bo‘lgan magistral gaz quvurlarining muhofaza hududi quvur o‘qidan har ikki tarafga – 250 metr; 

600 mm dan 800 mm gacha bo‘lgan magistral gaz quvurlarining muhofaza hududi quvur o‘qidan har ikki tarafga – 200 metr; 

300 mm dan 600 mm gacha bo‘lgan magistral gaz quvurlarining muhofaza hududi quvur o‘qidan har ikki tarafga – 150 metr; 

300 mm va undan kichik bo‘lgan magistral gaz quvurlarining muhofaza hududi quvur o‘qidan har ikki tarafga 100 metr etib belgilangan.
Aholi va iste’molchilar orasida ayni masalada tushunmovchiliklarning oldini olish maqsadida G‘allaorol magistral gaz quvurlari boshqarmasiga qarashli Jizzax viloyati, Zarbdor tumanidan o‘tgan Bo‘ston GTSh hamda tarmoqning magistral gaz quvuri himoya maydoni bo‘yicha aholi o‘rtasida Zarbdor tuman hokimligi, prokuraturasi, arxitektura va kadastr bo‘limlari mas’ullari ishtirokida tushuntirish ishlari olib borildi.