Mustaqillik bayramining 30 yilligi oldidan: sana munosabati bilan sport tadbirlari tashkil etildi

“O‘ztransgaz” AJ Ijroiya apparati xodimlari safida tezkorlik, abjirlik, chaqqonlik kabi xislatlarni talab qiluvchi stol tennisi sport turining ixlosmandlari ko‘pchilikni tashkil qiladi. Ishchi-xodimlar o‘rtasida sog‘lom turmush tarzini targ‘ib qilishga qaratilgan navbatdagi musobaqa ham aynan yoshlarning sevimli sport turlaridan biri STOL TЕNNISI bo‘yicha tashkil etildi.

“O‘ztransgaz” AJ Yoshlar ishlari agentligi boshlang‘ich tashkiloti hamda Birlashgan kasaba uyushmasi qo‘mitasi ilgari surgan tashabbus asosida o‘tkazilgan navbatdagi musobaqa Respublikamiz mustaqillikka erishgan kunning 30 yilligi arafasida bayramona kayfiyatda bo‘lib o‘tdi.

Qizg‘in va murosasiz o‘tgan musobaqalar yakunida turnir g‘olib va ishtirokchilari faxriy yorliq hamda esdalik sovg‘alari bilan taqdirlandi.