Nazorat har bir iste’molchi kesimida olib borilmoqda

Tijorat va logistika departamenti xodimlari respublikamiz hududlari bo‘ylab gaz taqsimlash stansiyalariga chiqqan holda har bir iste’molchi kesimida nazorat ishlarini olib bormoqda. O‘lchovlar, tabiiy gazning limit doirasida taqsimlanishi, texnologik yo‘qotishlar va o‘z ehtiyojlari uchun gaz sarfini nazorat qilish, debitor qarzdorlikni undirish ishlari shular jumlasidan. Mas’ullar aholi tarmoqlari va issiqlik elektr stansiyalari kabi strategik ahamiyatga ega ulgurji iste’molchilarga bir me’yorda gaz hajmlari yetib borishini alohida nazorat qilmoqda.