“O‘ztransgaz” AJ rahbariyati tomonidan navbatdagi qabul o‘tkazildi

Dastlab tadbirkorning murojaati tinglandi. Unga jamiyat tizim tashkilotlari tomonidan e'lon qilingan elektron savdolarda yuzaga kelgan bahsli vaziyat yuzasidan qonunchilik doirasida tushuntirish berildi. Yana bir fuqaro yaqin qarindoshining "O‘ztransgaz" AJ tizimiga ishga joylashishi masalasida murojaat qildi. Suhbat davomida murojaatchining yashash manzili bo‘yicha tizimda mavjud bo‘sh ish o‘rinlari, shuningdek ishga joylashish uchun zarur bo‘lgan malakaviy talablar xususida ma'lumot berildi.