“O‘ztransgaz” AJda xavflarni boshqarish tizimi bo‘yicha seminar-trening bo‘lib o‘tdi

Tadbirda  “UzAssets” va “Ernst & Young Advisory”  o‘rtasidagi hamkorlik doirasida ishlab chiqilgan metodologik hujjatlar loyihasi, ularni amaliyotga tatbiq etish masalalari muhokama qilindi.

Seminarda “Ernst & Young Advisory”, “UzAssets” hamda “O‘ztransgaz” AJning mas’ul xodimlari ishtirok etib, metodologik hujjatlar yuzasidan fikr almashdi. Shuningdek, jamiyat tarkibiy bo‘linmalarida xavflarni boshqarish tizimini samarali joriy etish bo‘yicha tavsiyalar berildi.

Trening xavflarni aniqlash, baholash va boshqarishda ilg‘or amaliyotlarni joriy etish, shuningdek, korporativ boshqaruvni yanada takomillashtirishga qaratilgan muhim qadam bo‘ldi.