"O‘ztransgaz" AJ Axborot xizmati maʼlum qiladi

Xabar berilganidek, bugun Surxondaryo viloyatining Termiz shahri, Termiz, Qumqo‘rg‘on, Jarqo‘rg‘on, Qiziriq, Bandixon va Angor tumanlariga tabiiy gaz uzatish ta'mirlash ishlari sababli vaqtincha to‘xtatilgan edi. Muborak magistral gaz quvurlari boshqarmasi tomonidan gaz quvurida olib borilgan taʼmirlash ishlari yakunlandi. Ayni paytda tabiiy gaz tarmog‘i ishchi holatida. Birinchi navbatda aholi tarmoqlariga tabiiy gaz uzatish bosqichma bosqich amalga oshirish boshlandi.

Keltirilgan noqulayliklar uchun isteʼmolchilardan uzr so‘raymiz!