Qaror va ijro

“O‘ztransgaz” AJ departament hamda mustaqil bo‘lim boshliqlari ishtirokida tizimda “IJRO.GOV.UZ” ijro intizomi idoralararo yagona elektron tizimi samarali faoliyat ko‘rsatishini taʼminlashga qaratilgan qo‘shimcha chora-tadbirlar to‘g‘risida”gi prezident qarori ijrosi yuzasidan yig‘ilish o‘tkazildi. Jamiyat boshqaruv raisi o‘rinbosari boshchiligida tashkil etilgan uchrashuvda ijro intizomi yuzasidan olib borilayogan ishlar tanqidiy tahlil qilindi.

Prezident qaroriga ko‘ra, 2021-yil 1-maydan boshlab barcha davlat organlari va tashkilotlari hamda mahalliy davlat hokimiyati organlarida ijroni nazorat qilish, nazorat kartotekalarini yuritish va hisobotlarni shakllantirish faqat “Ijro.gov.uz” tizimida amalga oshirilishi belgilangan. Yig‘ilishda barcha masʼullarga ijro intizomini mustahkamlash, topshiriqlarning to‘liq va o‘z vaqtida sifatli bajarilishini taʼminlash, ayni yo‘nalishdagi faoliyatni “IJRO.GOV.UZ” ijro intizomi idoralararo yagona elektron tizimi samarali faoliyat ko‘rsatishini taʼminlashga qaratilgan qo‘shimcha chora-tadbirlar to‘g‘risida”gi prezident qarori asosida yo‘lga qo‘yish lozimligi alohida taʼkidlandi.