Qoraqalpog‘iston MGQBda kimyo laboratoriyasining tabiiy gaz tahlillarini o‘tkazishga tayyorligi tekshirildi

Aytish joizki, bugungi kunda boshqarmaning laboratoriya binosi butunlay yangicha ko‘rinish oldi. Obodonlashtirish ishlari amalga oshirilib, zamonaviy laboratoriya jihozlari, kimyoviy tahlillar uchun zarur uskunalar yetkazib berildi. E'tiborlisi, muhandis-texnik xodimlar tegishli yo‘nalishlar bo‘yicha malaka oshirishni muvaffaqiyatli yakunladi.

Nazorat tadbirlari davomida xodimlarning malaka talablari yana bir bor sinovdan o‘tkazildi.

Yangi qurib bitkazilgan gaz o‘lchov stansiyasi namuna oluvchi qurilma bilan jihozlangan boʻlib, laboratoriya xodimlari har kuni undan gaz, oltingugurt saqlovchi birikmalarning tarkibini aniqlash, shuningdek, tabiiy gazning shudring nuqtasi haroratini oʻlchash uchun namunalar olishadi. Nazorat tadbiri davomida namuna olish punktidagi qurilmalardan foydalanish tadbirlarini bajarish yana bir sinovdan o‘tkazildi.