“Sho‘rtan-Sirdaryo” magistral gaz quvurining elektrokimyoviy himoyalash tizimi ta'mirlanyapti

Samarqand MGQB Elektrokimyoviy himoya, elektr va suv ta’minoti xizmati ishchi xodimlari shu kunlarda “Sho‘rtan-Sirdaryo” magistral gaz quvurining 307, 313, 326- kilometrlaridagi  elektrokimyoviy himoyalash stansiyalarini yangidan  qurish, mavjud qurilmalar, transformatorlar va elektr havo tarmoqlarida joriy ta’mirlash ishlarini amalga oshirmoqda.

Ikki navbatdagi ish rejimida tashkil etilgan bu  tadbirlar magistral gaz quvurini korroziyadan himoyalash, elektr enyergiya resurslaridan samarali va oqilona foydalanish hamda tejamkorlikka erishish maqsadiga xizmat qilishi bilan ahamiyatli.