Тадбиркорликни қўллаб-қувватлаш ҳамда истеъмолчиларга узлуксиз газ етказиб бериш ишлари давом этмоқда

Зирабулоқ магистрал газ қувурлари бошқармаси тасарруфидаги “Зарафшон” газ тақсимлаш станциясида алоҳида Саноат тармоғи ишга туширилиши кутилмоқда. Ҳозирги кунда қурилиш ишлари тугалланиб, саноат тармоғига табиий газ бериш ускуна ва жиҳозларини йиғиш, давлат қиёсловидан ўтказиш ва сертификациялаш ишлари давом этмоқда.

Табиий газ тармоғига тўғридан-тўғри уланувчи улгуржи истеъмолчининг табиий газ тармоғидан фойдаланиши учун режалаштирилган қурилиш ва бутлаш ишлари ҳам якунига етказилди. Шу кунларда ўлчов воситаларини бутлаш ва ростлаш ишлари олиб борилмоқда.