Til – millatning maʼnaviyati, tarixi va madaniy merosini asrab qoluvchi muhim vosita

O‘zbek tili – jahonning eng boy tillaridan biri hisoblanadi va dunyo bo‘yicha bu tilda 60 milliondan ortiq kishi so‘zlashadi. Uning ildizlari chuqur, manbalari keng va maʼnaviy qudrati beqiyos. 1989-yilda qabul qilingan Qonun nafaqat tilga huquqiy maqom berdi, balki xalqimizning milliy o‘zligini anglash, o‘z qadriyatlariga qaytish, maʼnaviy mustaqillik sari intilish jarayonida muhim qadam bo‘ldi.

Davlat tili – muloqot vositasigina emas, balki millat ruhining ifodasidir. Biz har bir so‘z, har bir ibora orqali o‘z tariximizni, madaniyatimizni, qadriyatlarimizni kelajak avlodlarga yetkazamiz. Shu bois, o‘zbek tilini to‘g‘ri, chiroyli va faxr bilan qo‘llashga intilishimiz lozim. Bu – Vatanga muhabbatning eng go‘zal ko‘rinishidir.