“Urganchtransgaz” UK tizim korxonalari xizmat ko‘rsatadigan magistral gaz quvurlarining samaradorligi va ishonchligini oshirish, bir maromda ishlashini ta'minlashga qaratilgan tadbirlar uzluksiz davom ettirilmoqda.

Ayni kunlarda “Xiva-Beyneu” va “LUPING Markaziy Osiyo-Markaz-4” magistral gaz quvurlarining 289-kilometrida diametri 1020 mm bo‘lgan uzunligi 250 metrdan ortiq yangi tutashtiruvchi tarmoq quvuri montaj qilinmoqda.

Qoraqalpog‘iston MGQB tomonidan olib borilayotgan ushbu loyiha tarixiy ahamiyatga ega va u har ikki yo‘nalishning o‘tkazuvchanlik imkoniyatini yaxshilash hamda barqarorligini ta'minlashga xizmat qiladi. Kelgusida quvurlarning qaysi biridadir amalga oshiriladigan ta'mirlash jarayonlarda ham yangi  tutashtirgich orqali tabiiy gazni uzluksiz yetkazib berilishiga erishiladi.