“Урганчтрансгаз” УК томонидан газ тизимини модернизация қилиш ишлари кенг кўламда амалга ошириляпти

Хабар бериб бораётганимиздек, “Урганчтрансгаз” УК томонидан газ тизимини модернизация қилиш ишлари кенг кўламда амалга ошириляпти. “Ўзтрансгаз” АЖ томонидан жорий йил январь ойида қабул қилинган ҳужжатга асосан, корхона Ўрта Осиё – Марказ тармоғининг нуқсонли қисмларини алмаштириляпти. Айни жараён 3 босқичда амалга ошириляпти.

Дастлабки босқичда тармоқнинг 23 км узунликдаги мигстрал газ қувурларида гидросинов ишлари олиб борилди. Бунинг натижасида аниқланган нуқсонли қисмларни алмаштириш жараёни қизғин давом этмоқда. Айни жараёнга 15 нафар ишчи ходим, шунингдек 10 та махсус ва авариявий техникалар жалб этилган.

Иккинчи босқичда тармоқда олиб борилган гидросинов ишлари натижасида 9 км узунликдаги нуқсонли қисмларни алмаштириш ишлари бошлаб юборилди. Айни жараёнга 120 нафар ишчи, 50 дан ортиқ маҳсус техника жалб қилинган. 

Учинчи босқичда тармоқнинг навбатдаги километрларида узунлиги 5 кмга тенг магистрал газ қувурларининг нуқсонли қисмлари тўлиқ алмаштирилди. Ҳозирда ушбу участкада  қайта синаш ишлари давом этмокда. Объектга 15 нафар ишчи ходимлар жалб қилинган. Шуни алоҳида таъкидлаш  керакки, тадбирлар олиб борилаётган майдонларда ишчилар учун барча шарт-шароитлар яратилган.