ВАҚТИДА КЎРИЛГАН ЧОРАЛАР – МУҚАРРАР ХАВФНИНГ ОЛДИНИ ОЛАДИ

“Урганчтрансгаз” унитар корхонаси тасарруфидаги Қорақалпоғистон Магистрал Газ Қувурлари Бошқармасига қарашли “А” цехида газ хайдаш агрегатлари уланиш узелидаги “катта халқа” қисмининг диаметри 530 мм ва 159 мм бўлган газ қувурларида диагностика текширувлари ўтказилиб, нуқсонли қисмлари яъни кучли (агрессив) хавф мавжудлиги аниқланди.

Ҳозирда “Ўзтрансгаз” АЖ ижроия аппаратининг тегишли департаменти, “Урганчтрансгаз” УК бошқарув аппаратининг бўлимлари, ҳамда Карақолпоғистон МГҚБ ишчи ходимларининг саъйи-ҳаракати билан авария ҳолати келиб чиқишининг олдини олиш ва тизимнинг барқарор ишлашини таъминлаш мақсадида, чора-тадбирлар тузилиб, маъсул ходимлар бошчилигида технологик тизимда диаметри 530 мм бўлган 30 метр қувур, шунингдек, диаметри 159 мм бўлган 20 метр нуқсонли қувурни алмаштириш ишлари жадал суратларда олиб борилмоқда. 

Шу билан бир вақтда ушбу цехдаги жами 5 та ногерметик кранлар, яъни 2 та диаметри 720 мм бўлган ва диаметрлари 500, 300, 150 мм бўлган кранларни алмаштириш ишлари давом эттирилмоқда. Айтиш жоизки, ушбу алмаштирилаётган кранлар ички имкониятлардан келиб чиққан ҳолда ”Урганчтрансгаз” УКга қарашли “Газоэнерготаъмир” Техник ишлаб-чиқариш корхонасида таъмирланган бўлиб, бунинг натижасида маблағларнинг иқтисод қилинишига ва табиий газнинг технологик йўқотилишини бартараф этишга эришилди. 

Ушбу пайвандлаш ишларни бажариш учун “Урганчтрансгаз” УКнинг тажрибали мухандислари, пайвандчилари, таъмирчи чилангарлари, автокранчи ҳамда экскаваторчилардан иборат 30 нафардан ортиқ ишчи-ходимлар, ҳамда махсус техникалар жалб қилинган ҳолда амалга оширилмоқда ва 2020 йил 12 ноябрда якунлаш кўзда тутилган.   

"Урганчтрансгаз" УК маълумотлари асосида “Ўзтрансгаз” АЖ Матбуот хизмати