Xalqaro bolalarni himoya qilish kuni

Bolaning begonasi bo‘lmaydi. Ularning shirin so‘zi, go‘zal tabassumi uchun har narsaga tayyormiz. Bunday baxtga nogironligi bo‘lgan murg‘ak qalb egalari ham haqli. “O‘ztransgaz” AJ tomonidan 1 iyun – Xalqaro bolalarni himoya qilish kuni munosabati bilan poytaxtimizdagi ixtisoslashtirilgan maktab-internati tarbiyalanuvchilari uchun xayriya aksiyasi tashkil etildi. Tashabbus Jamiyat xodimlari tomonidan qo‘llab-quvvatlandi va bolalar uchun o‘quv qurollari, badiiy kitoblar, sport anjomlari hamda o‘yinchoqlar yig‘ildi.

Aksiya yakunida bolajonlarning o‘qishi, rivojlanishi, maroqli dam olishi uchun asqotadigan hadiyalar poytaxtimizdagi 103-sonli maktab-internati tarbiyalanuvchilariga sovg‘a qilindi.