Yangiliklar

16.06.2023

“Ўзтрансгаз” АЖ Бошқарув раисининг қурилиш бўйича ўринбосари Х.Ҳамидов Фарғона водийсидаги газтранспорт тизимида амалга оширилаётган тадбирларни жойида ўрганмоқда.

Биринчи объект “Риштон шаҳар айланмаси”нинг 2-тармоғи бўлди. Қурилиши 2022 йилда бошланиб, тез суръатларда олиб борилган мазкур иншоотнинг Фарғона водийси истеъмолчиларини табиий газ билан кафолатли таъминлашда ўрни катта. Х.Ҳамидов тармоқни эксплуатацияга қабул қилиш ишларининг боришини билан танишди. 

Навбатдаги манзил Андижондаги “Янги Андижон” газ тақсимлаш станцияси  бўлди. Янги, замонавий газ тақсимлаш станциясининг қурилиши, ходимлар учун яратилган шароитлар ўрганилди. 

Шунингдек Х.Ҳамидов Хўжаобод газни ер остида сақлаш иншоотида ҳам бўлди. Бу ерда ходимларнинг ижтимоий ҳимоясини таъминлаш мақсадида барпо этилаётган объектлар, хусусан, мини футбол майдони, ошхона қурилиш ишларининг бориши билан танишди. Қурилиш ишларини тез суръатларда амалга ошириш бўйича тавсиялар берилди.