Yangiliklar

09.12.2022

Мehnatni muhofaza qilish, sanoat xavfsizligi va ekologiya boshqaruvining yagona tizimi bo‘yicha normativ hujjat ishlab chiqildi

Respublika Prezidentining 2019-yil 9-iyuldagi “Aholi va iqtisodiyotni energiya resurslari bilan barqaror taʼminlash, neft-gaz tarmog‘ini moliyaviy sog‘lomlashtirish va uning boshqaruv tizimini takomillashtirish chora-tadbirlari to‘g‘risida” 4388-son qaroriga ko‘ra Respublikamizning  neft-gaz  sanoati  isloh  qilinmoqda. "O‘ztransgaz" AJ tizimida ham bu boradagi ishlar belgilangan tartibda amalga oshirilyapti. Jamiyat tizimidagi ishchi-xodimlar uchun normativ hujjatlarni takomillashtirish maqsadida, Jamiyat ijroiya apparatining Metodologiya departamenti hamda Mehnat muhofazasi va sanoat xavfsizligi departamenti masʼulligida tarkibiy korxona, tashkilotlarning Mehnat muhofazasi va sanoat xavfsizligi bo‘limlarining masʼullari va muhandislari ishtirokida “O‘ztransgaz"AJda mehnatni muhofaza qilish, sanoat xavfsizligi va ekologiya boshqaruvining yagona tizimi” texnik jihatdan tartibga solish sohasidagi normativ hujjati ishlab chiqildi.

"O‘ztransgaz" AJ ijroiya apparati hamda mulkchilik shaklidan qatʼiy nazar uning barcha tarkibiy korxona, tashkilot va bo‘linmalarida mehnatni muhofaza qilish, sanoat xavfsizligi va ekologiya (atrof-muhitni muhofaza qilish) sohalarida kasbiy madaniyatga oid kamchiliklarni bartaraf etish, ushbu yo‘nalishlarda ishlarni to‘g‘ri tashkil qilish va yuritishning yagona tartibini belgilovchi  bu hujjat 13 bo‘lim, 42 band va 50 dan ortiq ilovalardan tashkil topdi. Lotin va kirill yozuvlariga asoslangan o‘zbek alifbosida va rus tilida ishlab chiqilgan hujjat loyihasi shu kunlarda  Bandlik va mehnat munosabatlari vazirligi, O‘zbekiston energetika, neft-gaz va geologiya xodimlari kasaba uyushmasining Respublika kengashi, Sanoat xavfsizligi hamda Ekologiya va atrof-muhitni muhofaza qilish davlat qo‘mitalari bilan hujjat loyihasi bo‘yicha kelishuv kelishish uchun yuborilgan. Mazkur hujjat joriy yil yakuniga qadar tasdiqlanishi va amaliyotga joriy etilishi  kutilmoqda.